季莼道：“俚到该搭来，倒勿是要来相骂；为仔我有点要紧事体，到吴淞去仔三日天，屋里勿曾晓得，道仔我来里该搭，来问一声。等到我转来仔，晓得来里吴淞，勿关耐事，俚也就匆曾说啥。”霞仙道：“耐说勿是来相骂。俚一进来就竖起仔个面孔，（口英）（口皇）（口英）（口皇），下头噪到楼浪，勿是相骂是啥嗄？”季莼道：“难（要勿）说哉。俚吃仔耐几花闲话，一声也响匆出，耐也气得过个哉。”霞仙道：“正经说，俚是个奶奶，倪阿好去得罪俚？俚自家到该搭来，要扳倪个差头，倪也只好说俚两声。阿是倪说差哉嗄？”季莼道：“耐说俚两声说得蛮好，我倒要谢谢耐；勿然，俚只道无啥人得罪俚，下转打听我来里啥场花吃酒，俚也实概奔得来哉，阿要难为情？”霞仙本要尽情痛诋，今见如此说，又碍着李鹤汀在傍，只得留些体面，不复多言。停了半晌，叫声“二少爷”，冷笑道：“我说耐也忒费心哉！耐来里屋里末，要奶奶快活，说倪个邱话；到仔该搭来，例说是奶奶勿好，该应拨倪说两声。像耐实概费心末，阿觉着苦恼嗄？”
这几句正打在季莼心坎上，无可回答，嘿然而罢。李鹤汀见机，也要想些闲话，搭讪开去，因问姚季莼道：“齐韵叟耐阿认得？”季莼道：“同过几转台面，稍微认得点。勿晓得故歇阿来里上海？”鹤汀道：“说末说来里，我是匆曾碰着。”
当下卫霞仙问及点心。姚季莼随意说了两色，陪着李鹤汀用过。霞仙复请鹤汀吸鸦片烟。不觉天色将晚，匡二带领轿子来接，呈上一张请客票头。鹤汀见系周少和请至公阳里尤如意家的，知是赌局，随问季莼：“阿高兴去白相歇？”季莼推说不会。鹤汀吩咐匡二回栈看守，不必跟随：“四老爷若问我，只说在杨媛媛家。”匡二应诺。于是，李鹤汀辞别姚季莼，离了卫霞仙家。
匡二从至门前，看着上轿，直等轿已去远，方自折回石路长安栈中。吃过晚饭，趁四老爷尚未回来，锁上房门，独自一个，溜至四马路
本网站为网友提供小说上传储存空间平台，为网友提供在线阅读交流、txt下载，平台上的所有文学作品均来源于网友的上传
用户上传的文学作品均由网站程序自动分割展现，无人工干预，本站自身不编辑或修改网友上传的内容（请上传有合法版权的作品）
如发现本站有侵犯权利人版权内容的，请向本站投诉，一经核实，本站将立即删除相关作品并对上传人ID账号作封号处理